জপং জপংকৈ বগলী ককাই
মাছ বিচাৰি আছিল,
গছৰ পৰা ঔটেঙা এটা
থপংকৈ পানীত পৰিল।
ভয় খাই ধপধপাই
বগলীটো উৰি গ’ল,
দপদপাই থকা বান্দৰ কেইটাও
ভয়তে নিতাল হ’ল।
সোলোক-ঢোলোক পেন্টটো পিন্ধি
মলুৱা ককাই আহে,
শহা আৰু ডালশলিয়াই
মিচিক মাচাক হাঁহে।
আমৰলি পৰুৱাই বাঘৰ পেটত
কুটকুটাই দিলে,
পিৰপিৰণিত বাঘ বপুৰাই
ভিৰাই ল’ৰ মাৰে।
বোকাত পৰি লুতুৰি-পুতুৰি
খজুৱতি মাৰ যায়,
তাকে দেখি জহামালে
থাকে খিলখিলাই।
ই-মেইল: 1[email protected]